18 – 8 – 2022

 

🌷〰️〰️〰️〰️➖➖〰️〰️〰️〰️🌷
🌺🗒 આજનો દિવસ 🗒🌺
🌷〰️〰️〰️〰️➖➖〰️〰️〰️〰️🌷

📆 તારીખ : 18 ઓગષ્ટ 

 

||| ઇતિહાસમાં આજનો દિવસ |||

 

📜૧૮૬૮ – ફ્રેન્ચ ખગોળશાસ્ત્રી ‘પિયરે જુલ્સ સિઝર જાન્સેને’ હિલીયમ વાયુની શોધ કરી.

📜૧૮૭૭– ‘અસફ હોલે’ મંગળનો ચંદ્ર ફોબોસ શોધ્યો.

📜૧૯૦૩ – કહેવાય છે કે જર્મન ઇજનેર ‘કાર્લ જેથો’એ, રાઇટ બંધુઓની પ્રથમ ઉડાનનાં ચાર માસ પહેલાં, પોતાનું સ્વરચિત યંત્રચાલિત ગ્લાઇડર વિમાન ઉડાડ્યું.

📜૨૦૦૮ – વિરોધપક્ષોનાં દબાણને કારણે, પાકિસ્તાનનાં પ્રમુખ પરવેઝ મુશર્રફે રાજીનામું આપ્યું.

 

🌷આજના દિવસના જન્મ🌷

🍫૧૯૫૬ – સંદીપ પાટીલ
➖ભારતીય ક્રિકેટર

🍫૧૯૬૭ – દલેર મહેંદી
➖ભારતીય ભાંગડા/પોપ ગાયક

🍫૧૯૮૦ – પ્રીતી જાંગિયાની
➖ભારતીય અભિનેત્રી

 

🍂આજના દિવસના અવસાન🍂

🍃૧૯૯૮ – પર્સિસ ખંભાતા
➖ભારતીય અભિનેત્રી

આજના દિવસ વિશેષ  સુભાષ ચંદ્રબોઝ

સ્વતંત્રતા આંદોલનના મહાનાયક નેતાજી સુભાષચંદ્ર !’ બોઝનો જન્મ ૨૩ જાન્યુઆરી ૧૮૯૭ના રોજ ઓરિસ્સાના જ કટક શહેરમાં થયો હતો. જે નેતાજીના હુલામણા નામથી પણ જાણીતા છે. તેમના પિતાનું નામ જાનકીનાથ બોઝ : અને માનું નામ પ્રભાવતી હતું. જાનકીનાથ બોસ કટક શહેરના પ્રખ્યાત વકીલ હતા. બાળપણમાં સુભાષ કટકની રેવિલ્થો કોલેજીયેટ હાઈસ્કૂલમાં ભણતા હતા. તેમના શિક્ષક વેણીમાધવદાસે સુભાષમાં નાનપણથી જ દેશપ્રેમની ભાવના પ્રજ્વલીત કરી હતી. માત્ર પંદરવર્ષની કિશોર વયે તેઓ ‘ગુરુ’ની શોધમાં હિમાલય ગયેલા પરંતુ તેમનો પ્રવાસ અસફળ રહ્યો હતો. જોકે સ્વામી વિવેકાનંદથી પ્રભાવિત થઈને સુભાષજી તેમના શિષ્ય બન્યા હતા.

સ્વતંત્રતા સેનાની દેશબંધુ ચિત્તરંજનદાસથી પ્રભાવિત થઈને પત્ર દ્વારા તેમની સાથે કામ કરવાની ઈચ્છા સુભાષબાબુએ વ્યક્ત કરી હતી. તે દિવસોમાં ગાંધીજીએ અંગ્રેજ સરકાર સામે અસહયોગનું આંદોલન છેડ્યું હતું જેમાં દિનબંધુએ કલકત્તાનું નેતૃત્વ કર્યું હતું અને સુભાષે આંદોલનમાં સક્રિય ભૂમિકા ભજવી હતી. 1922માં દેશબંધુએ કોંગ્રેસની નિશ્રામાં સ્વરાજ્ય પાર્ટીની સ્થાપના કરી. વિધાનસભામાં અંગ્રેજ સરકારનો વિરોધ કરવા કલકત્તા મહાનગર પાલિકાની ચુંટણીમાં સ્વરાજ્ય પાટી ઝંપલાવ્યું અને પાર્ટી ચુંટણી જીતી ગઈ ત્યારપછી દાસબાબુ કલકત્તાના મેયર બની ગયા.

તેમણે સુભાષબાબુને મહાનગર પાલિકાના પ્રમુખ કાર્યકારી અધિકારી (મેયર ) બનાવ્યા હતા.તેની તસ્વીર નીચે આપવામાં આવી છે .

સુભાષબાબુએ પોતાના કાર્યકાળ દરમિયાન કલકત્તાની મહાનગરપાલિકાના ઢાંચામાં પાયાના ફેરફારો કર્યા અને શહેરના રાજમાર્ગોના વિલાયતી નામો બદલીને ભારતીય નામો આપવામાં આવ્યા. સ્વતંત્રતા સંગ્રામમાં પ્રાણોની આહુતિ આપનારા શહિદોના પરિવારજનોને મહાનગરપાલિકામાં રહેમરાહે નોકરી આપવાનું ભગીરથકાર્ય પણ તેમના હાથે શરૂ થયું હતું. બીજા વિશ્વયુદ્ધ દરમ્યાન , અંગ્રેજોની વિરુદ્ધ લડવા માટે તેમણે જાપાનની સહાયતાથી આઝાદ હિન્દ ફૌજની રચના કરી હતી. તેમના દ્વારા આપવામાં આવેલ “જય હિન્દ”નું સુત્ર ભારતનું રાષ્ટ્રીય સૂત્ર બની ગયું છે.

૧૯૪૪માં અમેરિકી પત્રકાર લુઈ ફિશર સાથે વાત કરતાં મહાત્મા ગાંધીએ નેતાજીને ‘દેશભક્તોના પણ દેશભક્ત’ કહી નવાજ્યા હતા.નેતાજીનું યોગદાન અને પ્રભાવ એટલો મહાન હતો કે એવું કહેવામાં આવે છે કે જો તે સમયે નેતાજી ભારતમાં હોત તો કદાચ ભારત એક સંઘ રાષ્ટ્ર બન્યુ હોત અને ભારતનું વિભાજન થયું ન હોત. સ્વયં ગાંધીજીએ પણ આ વાતનો સ્વીકાર કર્યો હતો. .

દ્વિતીય વિશ્વયુદ્ધમાં જાપાનના પરાજય બાદ 18મી ઓગષ્ટ 1945ના રોજ નેતાજી વિમાન મારફતે મંચુરીયા તરફ જતા હતા તે સમયે તેમનું વિમાન રહસ્યમય રીતે લાપતા થઈ ગયું. ત્યારપછી તેઓ ક્યારે કોઈને જોવા મળ્યા નથી. 23મી ઓગષ્ટ 1945ના દિવસે જાપાનની ‘દોમઈ સંસ્થાએ વિશ્વમાં સમાચાર આપ્યા કે, 18મી ઓગષ્ટના રોજ નેતાજીનું વિમાન તાઈવાન નજીક દુર્ઘટનાગ્રસ્ત થયું હતું. એવું માનવામાં આવી રહ્યું છે કે, આ દુર્ઘટનામાં સુભાષબાબુએ પ્રાણ ગુમાવ્યા હતા. 18મી ઓગષ્ટ, 1945ના દિવસે નેતાજી ક્યાં ગુમ થઈ ગયા અને ત્યારપછી શુ બન્યું. તે ભારતના ઈતિહાસમાં અનુત્તર રહેલો સૌથી અઘરો પ્રશ્ન બની ગયો છે.